Patrymau asesu anghenion iechyd

Mae'r is dudalen hon yn rhaon o'r Porth Cymorth Cynllunio I Glystrau

Patrymau asesu a chynllunio gofal iechyd yng Nghymru

Mae cyfarwyddebau lluosog yn galw am baru asesiadau o anghenion iechyd y boblogaeth ac allbynnau cynllunio ar draws patrymau daearyddol a/neu strwythurol yng Nghymru; gweler y tabl isod.  Mae hyn yn cyflwyno nifer o heriau er mwyn canfod datrysiadau ar lefel system, gan gynnwys yr angen i:

• Resymoli patrymau cynllunio er mwyn i bob rhanddeiliad allu craffu ar yr un data er mwyn cefnogi gwaith cynllunio integredig; mae hyn yn galw am ddull mwy effeithlon er mwyn osgoi dyblygu ymdrech, ac ar yr un pryd sicrhau y gellir dosbarthu’r data ar draws nifer o batrymau o ddiddordeb;
• Rhesymoli amlder asesu anghenion i sicrhau bod hyn yn arwain y strategaeth tymor canolig i’ dymor hir; er enghraifft, mae’n bosibl na fydd gofynion blynyddol yn cydnabod sefydlogrwydd cymharol nifer o ddangosyddion iechyd, amharu ar ymdrechion i ymateb i anghenion hysbys, a chreu amser annigonol i fesur effaith cynlluniau gweithredu;
• Ystyried asesiadau o anghenion fel cyfrifoldeb ar y cyd; nid yw’n rhywbeth i’w ddirprwyo yn ei gyfanrwydd i’r maes iechyd y cyhoedd (er enghraifft), ond dylai adlewyrchu cyfraniadau gan y rhai sydd yn y sefyllfa orau i’w cynnal drwy ymgorffori data a safbwyntiau amrywiol;
• Sicrhau nad yw dadansoddiadau data yn cael eu cyflwyno heb rannu tystiolaeth hefyd wneud gwelliannau sy’n mynd i’r afael ag anghenion a lleihau annhegwch; dim ond os bydd y gwaith o bennu a chynllunio blaenoriaethau wedi’i ategu gan opsiynau ymyrraeth effeithiol a chost-effeithiol y bydd modd gweithredu ar wybodaeth.

Nid oes storfa ganolog ar gyfer asesiadau o anghenion ar sail ardal a gynhelir yng Nghymru.  Gellir adfer asesiadau presennol o un neu fwy o’r mathau canlynol o wefannau:

• Byrddau partneriaeth rhanbarthol
• Byrddau gwasanaeth cyhoeddus
• Byrddau iechyd

Asesiadau o anghenion ar sail pynciau

Yn ogystal ag asesiadau ar sail ardal, gellir cynnal neu gomisiynu asesiadau ar sail pwnc ar batrwm lleol neu genedlaethol (e.e. anghenion pobl sy’n byw gydag anableddau, iechyd carcharorion, anghenion ffoaduriaid a cheiswyr lloches, neu iechyd llygaid).

Nid oes storfa ganolog ar gyfer asesiadau o anghenion ar sail pynciau a gynhelir yng Nghymru.  Pan fydd gan glwstwr / PCPG bwnc o ddiddordeb penodol, byddai holi timau iechyd y cyhoedd lleol (a allai fod wedi bod yn rhan o hyn) ynglŷn ag unrhyw asesiadau presennol ar batrwm byrddau iechyd yn fan cychwyn rhesymol, yn ogystal â  chwilio ar wefan genedlaethol Iechyd Cyhoeddus Cymru.