Parafeddygon

Ymarfer Uwch Ymarferwyr Parafeddygol

Clinigwyr arbenigol ac annibynnol sy’n gweithio i Ymddiriedolaeth GIG Gwasanaethau Ambiwlans Cymru mewn lleoliadau gofal brys a gofal heb ei drefnu yw Uwch Ymarferwyr Parafeddygol.

Mae’r Uwch Ymarferwyr Parafeddygol yn darparu sgiliau asesu clinigol uwch, diagnosis, triniaethau ac atgyfeiriadau ar gyfer cleifion gan ddefnyddio model gofal meddygol/rheoli.

Buddiannau:

Yn dilyn cwblhau cynllun peilot 18 mis yn ardal Bwrdd Iechyd Prifysgol Betsi Cadwaladr, mae Ymddiriedolaeth GIG Gwasanaethau Ambiwlans Cymru wedi cydnabod buddiannau strategol ehangu nifer yr ymarferwyr yn sylweddol.
Mae’r prif fuddiannau’n cynnwys lleihau effaith y cleifion sy’n defnyddio’r system 999 a chludo cymesur i ofal eilaidd yn ogystal â chefnogi capasiti Gofal Sylfaenol a’r gwasanaeth y Tu Allan i Oriau i helpu i liniaru’r pwysau ar y System Gofal Heb ei Drefnu ehangach.
Mae Uwch Ymarferwyr Parafeddygol WAST yn cynnal Ymweliadau yn y Cartref ac Ymgyngoriadau mewn Canolfannau Triniaeth/Meddygfeydd, gan gydweithio â meddygon teulu a’r tîm amlddisgyblaethol i ddarparu gofal.
Mae Uwch Ymarferwyr o dan Hyfforddiant yn cael eu cefnogi o fewn y modelau hyn i ddatblygu ein clinigwyr yn y dyfodol a chefnogi datblygiad modelau pwrpasol sy’n gweithio ar y cyd gyda’n Partneriaid mewn Byrddau Iechyd ledled Cymru.
Bellach, ceir cynlluniau sefydledig yn ardaloedd yr Uned Reoli Sylfaenol, Bwrdd Iechyd Prifysgol Hywel Dda, a Bwrdd Iechyd Aneirin Bevan.
Bu Uwch Ymarferwyr Parafeddygol (APP) wrthi’n cefnogi gofal sylfaenol ers dechrau’r pandemig drwy addasu i greu model ymgynghori dros y ffôn a llwyddodd llawer ohonynt hefyd i gefnogi rhaglen frechu COVID-19 mewn Canolfannau Brechu Torfol. Mae gennym bellach APP sy’n meddu ar ddigon o brofiad mewn amrywiaeth o leoliadau clinigol i weithio fel DMP/mentor i ddatblygu a hyfforddi APP, ac mae hyn yn hollbwysig wrth i ni geisio ymestyn y cynllun APP ledled Cymru.

Ein Cynnig Clinigol:
Mae gan APP fynediad at fwy o fformiwlâu meddyginiaethau a gefnogir gan Gyfarwyddeb Grŵp Cleifion er mwyn iddynt allu trin amrywiaeth o gyflyrau meddygol acíwt. Mae llawer o APP bellach wedi cymhwyso fel Presgripsiynwyr Annibynnol hefyd ac mae hynny’n eu galluogi i ddarparu dewisiadau ychwanegol o ran triniaethau yn unol â’r arfer gorau cyfredol, gan olygu llai o atgyfeiriadau i feddygon teulu mewn gofal sylfaenol ac wrth ymateb i gleifion sy’n defnyddio’r system 999 hefyd.