Mae'r dudalen we Teg i Bawb ar leihau anghydraddoldebau iechyd, wedi'i datblygu i gefnogi'r system gofal sylfaenol i gymryd camau i fynd i'r afael ag anghydraddoldebau iechyd.
Gellir disgrifio anghydraddoldebau iechyd fel gwahaniaethau annheg y gellir eu hosgoi rhwng grwpiau poblogaeth.
Gellir disgrifio'r grwpiau hyn ar draws pedwar categori. Gall rhai ohonynt orgyffwrdd a gwaethygu profiad o anfantais. Mae'r anfantais hon yn cael effaith uniongyrchol ar iechyd.
Mae'r adnoddau ar y dudalen hon yn cynnwys:
• Teg i Bawb, Cynllun Gweithredu Strategol i fynd i'r afael ag anghydraddoldebau iechyd drwy Ofal Sylfaenol yng Nghymru
• Pecynnau cymorth tegwch i gefnogi cynllunio, darparu a gwerthuso gwasanaethau
• Cyfeiriadau at ddata a thystiolaeth i gefnogi gwneud penderfyniadau o fewn gofal sylfaenol