Gofal Sylfaenol Gwyrddach
Croeso i Gfal Sylfaenol Gwyrddach Cymru. Mae'r tudalennau gwe hyn yn cynnwys gwybodaeth ac adnoddau i'ch helpu chi a'ch ymarfer i ddod yn fwy cynaliadwy yn amgylcheddol, gan gynnwys mynediad at Fframwaith a Chynllun Gwobrwyo Gofal Sylfaenol Gwyrddach Cymru, a Dyfarniadau Gofal Sylfaenol Cymru Wyrddach.
Mae’r Fframwaith a’r Cynllun Gwobrwyo Gofal Sylfaenol Gwyrddach nawr ar gau am Flwyddyn 3. Bydd y cynllun yn ail-agor ym mis Ionawr 2025. Cysylltwch â GofalSylfaenolGwyrddach@wales.nhs.uk am ragor o wybodaeth.
Gwyliwch y fideo byr yma i ddarganfod mwy am y Cynllun
Cynhadledd a Gwobrau Cynaliadwyedd GIG Cymru 2024
Ar 13 Mehefin 2024, cynhaliwyd Cynhadledd a seremoni Gwobrau Cynaladwyedd cenedlaethol cyntaf GIG Cymru i ddathlu cynaliadwyedd ar draws GIG Cymru.
Roedd y tîm y tu ôl i Fframwaith a Chynllun Gwobrwyo Gofal Sylfaenol Gwyrddach Cymru yn falch iawn o ennill gwobr ‘Cymru Iachach’ yn y seremoni, gyda’r categorïau gwobrau yn canolbwyntio ar nodau'r Deddf Llesiant Cenedlaethau’r Dyfodol. Mae'r wobr benodol hon yn cydnabod y rhai sy'n gweithio'n uniongyrchol gyda chleifion i wella canlyniadau iechyd, gyda'r buddion yn cael eu mesur mewn canlyniadau cadarnhaol i gleifion, staff, neu grwpiau cymunedol.
Isod mae delwedd o aelodau tîm Gofal Sylfaenol Gwyrddach Cymru gyda'u 'Gwobr Cymru Iachach' yn Seremoni Gwobrau Cynaliadwyedd y GIG.
O'r chwith i'r dde: Sian Evans, Angharad Wooldridge, Rebecca Williams Howells.
Ceir rhagor o fanylion am y gynhadledd a’r gwobrau yma. Chwiliwch am sesiynau defnyddiol wedi'u recordio ac erthyglau newyddion yn y dyfodol am y digwyddiad ac enillwyr y gwobrau yma.
Gofal Sylfaenol Gwyrddach Cymru Blwyddlyfr 2022
Mae'r blwyddlyfr yma wedi'i ddatblygu i ddathlu llwyddiannau'r practisau sy'n gysylltiedig â'r Cynllun ac mae'n cynnwys casgliad o astudiaethau achos ymarferol i ysbrydoli eraill i gofrestru a chymryd camau eu hunain (I weld, dewiswch 'Fullscreen' ar frig y dudalen neu 'Download' ar waelod y dudalen)
Ail lansiad Cenedlaethol 2024 (Saesneg yn unig)
Mae recordiad o weminar lansiad Fframwaith a Chynllun Gwobrwyo Gofal Sylfaenol Gwyrddach Cymru ar gael i'w wylio isod. Mae'r gweminar yn rhoi trosolwg o'r Cynllun ac yn egluro sut i gymryd rhan.
Eluned Morgan AS, (Y Gweinidog Iechyd a Gwasanaethau Cymdeithasol 2021-2014), yn siarad cyn i'r Fframwaith a Chynllun Gwobrwyo Gofal Sylfaenol Gwyrddach Cymru cael ei lansio yn 2022. “Dwi wir yn edrych ymlaen i weithio gyda chi wrth i ni geisio datgarbyneiddio ein Gwasanaeth Iechyd Gwladol a gweithio tuag at ein nod o sero net”. Mae'r fideo ar gael yn Saesneg yn unig.
Os ydych chi eisiau rhannu eich syniadau a’ch datblygiadau arloesol ar gyfer dod yn bractis gofal sylfaenol gwyrddach, gallwch ymuno â Gwella, rhwydwaith cymorth am ddim sydd wedi’i gynllunio i ddod â thimau o’r un meddylfryd at ei gilydd. I ymuno gyda Gwella ebostiwch GofalSylfaenolGwyrddach@wales.nhs.uk.