Mae gwneud penderfyniadau ym maes gofal iechyd yn gofyn am flaenoriaethu rhwng nifer o alwadau a blaenoriaethau cystadleuol, o ystyried twf yn y boblogaeth; poblogaeth sy'n heneiddio a chynnydd mewn cyflyrau hirdymor; datblygiadau technolegol, a disgwyliadau gan y cyhoedd, yng nghyd-destun natur gyfyngedig adnoddau. Mae gosod blaenoriaethau tryloyw sy’n seiliedig ar dystiolaeth yn helpu i ddyrannu adnoddau lle gallant gael yr effaith fwyaf arwyddocaol er mwyn mynd i’r afael ag anghenion brys, lleihau anghydraddoldebau iechyd, a gwella canlyniadau cyffredinol. Mae’n cefnogi penderfyniadau sy’n seiliedig ar dystiolaeth sy’n sicrhau bod y system yn parhau’n deg ac yn gynaliadwy ac yn diwallu anghenion amrywiol y boblogaeth.