Canllaw Cymru ar gyfer Rheoli COVID Hir

Mae Canllaw Cymru ar gyfer Rheoli COVID Hir yn rhan o'r Rhaglen Adferiad (Adferiad) ar gyfer yr adran iechyd yn Llywodraeth Cymru sy'n darparu cefnogaeth uniongyrchol i weithwyr iechyd a gofal proffesiynol ledled GIG Cymru.

I ategu canllawiau clinigol NICE a gyhoeddwyd ym mis Rhagfyr 2020, cydweithiodd Llywodraeth Cymru a’r grŵp cymheiriaid o Gyfarwyddwyr Therapïau ar gyfer pob un o’r saith Bwrdd Iechyd ledled GIG Cymru â rhanddeiliaid allweddol eraill yn cynnwys Cyfarwyddwyr Meddygol Cyswllt i lunio Llwybr Cymunedol Cymru Gyfan ar gyfer Covid Hir. Mae hyn yn disgrifio’r fframwaith yn unol â Cymru Iachach sy’n sail i lwybrau lleol i sicrhau dull gweithredu cyson ar draws holl fyrddau iechyd. Mae Llwybr Cymunedol Cymru Gyfan ar gyfer Covid Hir yn sail i’r canllaw clinigol - y Canllaw Cymru Gyfan ar gyfer Rheoli Covid Hir, sydd ar gael i’r holl weithwyr iechyd a gofal proffesiynol ledled GIG Cymru. 

Mae'r pecyn cymorth cenedlaethol ar-lein atodol yn darparu cyfres gyfannol ac integredig o adnoddau a hyfforddiant o ansawdd uchel i weithwyr iechyd a gofal proffesiynol mewn lleoliadau gofal sylfaenol a chymunedol ledled Cymru, gan eu galluogi i helpu a chynghori pobl sy'n gwella o COVID Hir. Pwrpas y canllawiau hyn yw sicrhau bod cleifion a chanddynt symptomau sy'n gyson â COVID Hir yn cael cynnig gofal a chymorth o ansawdd effeithiol ac mewn rhai achosion yn cael eu cyfeirio at gymorth amlddisgyblaethol arbenigol.

Cewch glywed mwy am y canllawiau gan Dr. Mark Walker, uwch gynghorydd meddygol Llywodraeth Cymru https://allwales.icst.org.uk/news/all-wales-guideline-for-post-covid-syndrome-coming-soon 

I gael mynediad uniongyrchol at y canllawiau mewngofnodwch i wefan ICST
https://allwales.icst.org.uk/log-in/?redirect_to=https://allwales.icst.org.uk/guidelines/all-wales-guideline-for-the-management-of-long-covid/  

Mae'r Sefydliad Gwyddoniaeth a Thechnoleg Glinigol (ICST) yn cynnal ac yn rheoli Canllawiau Cymru Gyfan ar gyfer Rheoli COVID Hir, sydd ar gael am ddim i weithwyr gofal iechyd proffesiynol ledled Cymru. Bydd hyn yn darparu profiad cyson a di-dor i ymarferwyr mewn lleoliad gofal sylfaenol a chymunedol gan fod ICST hefyd yn cynnal ac yn darparu Canllawiau Gofal Eilaidd COVID-19 Cymru a Chanllawiau Cymru Gyfan ar gyfer Rheoli cleifion â COVID-19 wedi'i gadarnhau neu yr amheuir bod COVID-19 arnynt yn y Gymuned. "