Arweinydd Clinigol y Clwstwr
Dr Jennifer Lewis-Jones (Meddygfa Glan Cynon)
Prif Arweinydd y Clwstwr
Ann Brown (Canolfan Feddygol Abercynon)
Rheolwr Datblygu Gofal Sylfaenol
Angharad Pitt
Mae Clwstwr Gofal Sylfaenol De Cynon yn gwasanaethu tua 30,955 o gleifion.
Practisau Meddygon Teulu
Mae pump practis yn gweithredu yn ardal Clwstwr De Cynon.
Meddygfa Abercwmboi
Meddygfa Cwmaman
Canolfan Feddygol Cwm Cynon
Canolfan Feddygol Penrhiwceiber
Canolfan Feddygol Abercynon
Ein Cymuned
Mae 10% o boblogaeth Cymru yn byw yn Cwm Taf, yr ardal yw'r ail leiaf a'r ail fwyaf poblog yng Nghymru. Mae gan Gwm Cynon (adroddiadau Prif Swyddog Meddygol Cymru, data Iechyd Cyhoeddus Cymru) gyfraddau uchel o: amddifadedd cymdeithasol, materion iechyd meddwl, anabledd / morbidrwydd tymor hir, a nifer y tlodi / buddion a salwch cronig o ddiwydiant trwm blaenorol, yn enwedig mwyngloddio
Mae'r practisau Clwstwr wedi datblygu perthnasoedd cadarn ag asiantaethau partner sy'n cael ei adlewyrchu yn aelodaeth y Cyfarfodydd clwstwr sydd â chynrychiolaeth o'r disgyblaethau a'r sefydliadau canlynol: Iechyd Cyhoeddus Cymru; Gwasanaethau Deintyddol; Fferyllwyr; Optometreg; Cydgysylltiad; MIND; Gofal a Thrwsio.
Cynllun Cyflenwi Blynyddol Clwstwr De Cynon 2023-2024 (Saesnig yn unig)
Cynllun Cyflenwi Blynyddol Clwstwr De Cynon 2021-2022 (Saesneg yn unig)
De Cynon IMPT tair blynedd 2020-2023 (Saesneg yn unig)
Cynllun Gweithredu Rhwydwaith Clwstwr Cwm De Cynon 2017/20 (Saesneg yn unig)
Llywio gofal
Mae'r clwstwr wedi buddsoddi mewn hyfforddiant er mwyn i'w staff rheng flaen allu cyfeirio cleifion at y gwasanaeth mwyaf priodol. Ymhlith y partneriaid mae; Canolfan Cyngor ar Bopeth RhCT, y Cynllun Mân Anhwylderau, Optometreg, Ffisiotherapi, Pwynt Cyswllt Cyntaf ac Interlink (Cydlynwyr Lles).
Uwch-ymarferydd nyrsio
Llwyddwyd i recriwtio Uwch-ymarferydd Nyrsio ym mis Ionawr 2020, sy’n helpu meddygon teulu i drin cleifion cartrefi gofal yn unol â'r gwasanaeth ychwanegol dan gyfarwyddyd.
Mae'r swydd yn gweithio'n rheolaidd ac yn effeithiol â staff cartrefi gofal wrth reoli cartrefi gofal yn gynhwysol bob wythnos, gan gynnal “cylchdro wythnosol ar y ward”, ac yna ymgynghoriadau clinigol strwythuredig i breswylwyr cartrefi gofal pan fydd angen.
Gwasanaeth cwnsela
Ar hyn o bryd, mae'r clwstwr yn ariannu 8 sesiwn gwnsela bob wythnos gyda Vitality Therapies. Maen nhw'n cynnig cymorth gwrando gweithredol a chyfeiriadau at weithgareddau lleol a rhagor o gymorth. Mae'r cwnselwyr yn cylchdroi rhwng y tair meddygfa yn y clwstwr.
Cydlynwyr lles
Mae'r clwstwr wedi cyflogi cydlynydd lles yn y clwstwr, ac mae'r cydlynydd yn cylchdroi rhwng meddygfeydd a lleoliadau cymunedol. Maen nhw’n cyfeirio cleifion at amrywiaeth o wasanaethau lleol, anfeddygol a grwpiau cymunedol. Mae hyn er mwyn sicrhau bod cleifion yn cael y cymorth sydd ei angen arnynt i oresgyn y problemau cymdeithasol sy'n effeithio ar eu hiechyd a'u lles, ac mae’n mynd i'r afael â'r problemau isorweddol. Eu nod yw lleihau'r pwysau ar feddygon teulu a galluogi pobl i gael cymorth yn eu cymuned yn lle.
Rhaglen trin poen
Mae'r clwstwr wedi buddsoddi mewn peilot newydd, i ddarparu cymorth trin poen gan dîm amlddisgyblaethol sy'n cynnwys ffisiotherapydd, therapyddion galwedigaethol a fferyllydd, ac mae gan bob un brofiad o helpu pobl sy'n byw gyda phoen. Mae'r tîm yn gweithio'n agos gydag EPP Cymru, presgripsiynwyr cymdeithasol yn y clwstwr a gwasanaethau lleol eraill yn ôl yr angen.
Offer a hyfforddiant dermosgopi
Yn ddiweddar, mae'r clwstwr wedi buddsoddi mewn dermatosgopau ac mae'r meddygon teulu wedi mynychu cwrs hyfforddi ar-lein, er mwyn rhoi diagnosis o friwiau diniwed a chanseraidd ar y croen yn well. Bydd hyn yn helpu i feithrin cysylltiadau â’r maes gofal eilaidd trwy gyfeirio trwy Consultant Connect.
Ffisiotherapi cyswllt cyntaf
Mae cleifion wedi cael mynediad at wasanaeth ffisiotherapi cyswllt cyntaf ers mis Medi 2020, ac mae'r ffisiotherapydd yn cynnal asesiad clinigol ac yn rhoi diagnosis gwahaniaethol sydd wedi ei resymu'n glinigol i gleifion gyda phroblemau cyhyrysgerbydol. Mae'r clwstwr yn cynnal 10 sesiwn yr wythnos ac mae'r ffisiotherapydd yn cylchdroi rhwng y gwahanol bractisau.
Fferyllwyr clwstwr
Mae tri fferyllydd clwstwr llawn amser bellach wedi eu hymgorffori yn y practisau ac yn cymryd rhan weithredol mewn ymgynghoriadau wyneb yn wyneb ac adolygiadau o foddion. Mae clwstwr y De a chlwstwr y Gogledd wedi ymrwymo cyllid y clwstwr i'r un lefel o wasanaeth ar gyfer 2021/2022.
Prosiect peilot cyn-Diabetes gydag Iechyd Cyhoeddus Cymru
Mae'r clwstwr yn gweithio gydag Iechyd Cyhoeddus Cymru ar y peilot hwn, a’i nod oedd nodi unigolion o gofrestrau meddygfeydd sydd wedi cael canlyniad prawf gwaed HbA1c o'r blaen sy'n eu dangos bod cyn-Diabetes ganddynt. Mesurwyd taldra, pwysau, BMI a phwysedd gwaed y cleifion.
Mae'r tîm wedi gweithio gyda'r meddygfeydd i gael data cleifion ar gyfer gwerthuso'r peilot.
Bydd y clwstwr yn gweithio gydag Iechyd Cyhoeddus Cymru ac yn defnyddio data segmentu’r boblogaeth a phennu lefel risg i helpu i gynllunio cynlluniau clwstwr yn y dyfodol ynghyd â darparu gofal ataliol i gleifion. Gyda chymorth y Tîm Iechyd a Lles Cymunedol.
Gweithio gyda'r Bwrdd Partneriaeth Rhanbarthol i ddatblygu model Iechyd a Gofal Cymdeithasol integredig.
Canolbwynt i'r clwstwr dros y tair blynedd nesaf fydd cysylltu â sefydliadau'r trydydd sector i ystyried dulliau o newid ffordd o fyw yn unol â'r 'Pum Ffordd at Les'
Parhau i weithio gyda Grŵp Lleoliad Integredig Merthyr a Chynon, helpu i ddatblygu gwasanaethau a llwybrau newydd er mwyn gwella mynediad cleifion at ofal sylfaenol a chymunedol.
Bydd amcanion y clwstwr y cynnwys gordewdra, sgrinio canser ac atal Diabetes.
Diweddarwyd 03/08/2023