Practisau Cyffredinol yn Iechyd Gorllewin Caerdydd
Ceir saith practis sy’n gweithredu yn ardal glwstwr Iechyd Gorllewin Caerdydd
Canolfan Feddygol Bishops Road
Canolfan Iechyd y Tyllgoed
Meddygfa Llandaf
Canolfan Feddygol Radur
Meddygfa Danescourt
Canolfan Feddygol Llandaf
Practis Pentref yr Eglwys Newydd
Cynllun Gweithredu Rhwydwaith Clwstwr Gorllewin Caerdydd Medi 2017 / 2020 (Saesneg yn unig)
Gyda'r Strwythur/Rhwydwaith Clwstwr newydd wedi'i sefydlu, rydym yn parhau i ddatblygu perthnasoedd a dysgu ar draws y cydweithrediadau proffesiynol, i gefnogi gwell gofal ac addysg i gleifion, yn ogystal â sefydlu ffyrdd integredig newydd o weithio a datblygu prosiectau y gall yr holl gydweithrediadau proffesiynol gyfrannu atynt.
Mae'r Clwstwr wedi buddsoddi mewn darparu adnodd Fferyllydd ychwanegol, sy'n darparu gwasanaethau o fewn Practisau Gwasanaeth Meddygol Cyffredinol ar hyn o bryd – rydym yn parhau i edrych ar ffyrdd newydd o weithio a sut y gellir datblygu'r adnodd hwn ymhellach, gydag uchelgais o ddatblygu Model Tîm / Hyb Amlddisgyblaethol.
Rydym hefyd wedi bod yn gweithio ar gyflwyno model gofal CGBS i'r Clwstwr, gan ddarparu 160 o apwyntiadau un diwrnod ychwanegol i ddelio â chyflyrau acíwt bob wythnos.
Yn ogystal â hyn, mae'r Clwstwr yn archwilio Presgripsiynu Cymdeithasol, a sut y gallwn gysylltu cleifion yn well â gweithgareddau, grwpiau a gwasanaethau yn y gymuned i ddiwallu anghenion ymarferol, cymdeithasol ac emosiynol sy'n effeithio ar eu hiechyd a'u lles.
Yr hyn rydym wedi’i wneud eisoes
Mae Clwstwr Gorllewin Caerdydd wedi sefydlu ffyrdd newydd o weithio, yn unol â Datblygu Clwstwr Carlam (DCC), gan ddod â'r Cydlynwyr Gofal Sylfaenol at ei gilydd i weithio gyda'i gilydd am y tro cyntaf.
Mae hyn yn cynnwys: Gwasanaethau Meddygol Cyffredinol, Deintyddol, Optometreg, Fferylliaeth Gymunedol, Nyrsio Cymunedol, Gweithwyr Proffesiynol Perthynol i Iechyd, a’r Trydydd Sector.
Mae'r Clwstwr wedi cytuno ar Gylch Gorchwyl a Llywodraethu newydd ac wedi gweithredu adnoddau gweinyddol priodol i gefnogi gwaith Clwstwr / Cydweithredol yn effeithiol a fydd yn ein galluogi i gyflawni prosiectau sy'n cyflawni nodau ar y cyd ac yn anelu at wella gofal a chanlyniadau cleifion ar gyfer ein Poblogaeth Clwstwr.
Blaenoriaethau’r Clwstwr ar gyfer y dyfodol
Yng Nghlwstwr Gorllewin Caerdydd, mae gennym boblogaeth sy'n gynyddol yn heneiddio, mae rhai o'n blaenoriaethau yn y dyfodol i gefnogi anghenion ein poblogaeth yn cynnwys Atal Diabetes, Atal Cwympiadau a Gofal Clwyfau Cronig.
Yn ogystal, rydym hefyd yn edrych ar imiwneiddiadau yn ystod plentyndod ac yn archwilio ffyrdd arloesol y gallwn gyfrannu'n gadarnhaol at dderbyn imiwneiddio ac addysg.
Blaenoriaeth allweddol arall yn ein clwstwr yw'r Cynlluniau Datblygu Lleol o fewn ein hôl troed, byddwn yn parhau i archwilio ffyrdd newydd o weithio i ateb y galw cynyddol am wasanaethau Gofal Sylfaenol.
Yn ogystal â hyn, rydym hefyd yn archwilio ffyrdd y gallwn gefnogi lles staff i greu gweithlu mwy gwydn ac effeithiol a fydd yn cefnogi cynaliadwyedd gofal sylfaenol ac yn gwella canlyniadau a phrosesau i'n cleifion.
Diweddarwyd diwethaf 31/01/2024