Mae dau Rwydwaith Gofal yn y Gymdogaeth (NCN) yn Sir Fynwy (y Gogledd a’r De) sydd â phoblogaeth gofrestredig o 53,701 a 47,353 yn y drefn honno.
Mae pum practis ar waith yn ardal clwstwr (NCN) De Sir Fynwy.
Practisau Meddygon Teulu yng Nghlwstwr De Sir Fynwy
Meddygfa Gray Hill
Practis Mount Pleasant
Practis Town Gate
Meddygfa Vauxhall
Practis Wyedean
Cynllun Blynyddol Clwstwr De Sir Fynwy 2023-2024 (Saesneg yn unig)
Cynllun Blynyddol Clwstwr De Sir Fynwy 2022-2023 (Saesneg yn unig)
Clwstwr De Sir Fynwy NCN IMTP 2020-2023 (Saesneg yn unig)
Cynllun NCN De Sir Fynwy ar Dudalen IMTP 2020 / 2023 (Saesneg yn unig)
De Sir Fynwy NCN Adroddiad Blynyddol 2018-19 (Blwyddyn 2) (Saesneg yn unig)
Cynllun Gweithredu Rhwydwaith Clwstwr NCN De Sir Fynwy 2018_19 Blwyddyn 3 (Saesneg yn unig)
Cynllun NCN De Sir Fynwy ar Dudalen 2019/20 (Saesneg yn unig)
Proffil y Clwstwr
Rydym yn ardal Clwstwr Cydweithredol Rhwydwaith Gofal yn y Gymdogaeth (NCN) rhannol wledig, gyda’r canlynol yn cefnogi ein poblogaeth leol:
Mae gennym boblogaeth o oddeutu 48,600 o bobl ac mae tua 6,500 ohonynt yn preswylio yn Lloegr ac wedi cofrestru â Meddyg Teulu yn Sir Fynwy oherwydd cyfyngiadau daearyddol.
Ein nod fel Clwstwr NCN yw gweithio mewn partneriaeth i sicrhau bod pobl yn gallu derbyn cymorth mor agos at y cartref â phosibl a pharhau i fod yn rhan o’u cymunedau lleol gyda chymorth ein cydweithwyr o bractisau meddygon teulu, gwasanaethau cyswllt lles eang a thimau Iechyd a Gofal Cymdeithasol integredig.
Rydym yn cydnabod bod pob gwasanaeth yn wynebu pwysau digynsail yn sgil y pandemig byd-eang. Mae Sir Fynwy yn gyffredinol yn wynebu heriau penodol o ganlyniad i’w natur wledig, demograffeg, a galw, a hynny mewn cysylltiad â thwf mewn anghenion cymhleth. Rydym hefyd yn cydnabod bod angen newid ffyrdd hanesyddol o weithio, ac yn benodol osgoi mynd i’r ysbyty pan fo hynny’n bosibl, ac i greu gwasanaethau sylfaenol ac yn y gymuned cynaliadwy a chadarn.
Bydd ein cysylltiad â Bwrdd Partneriaeth Rhanbarthol Sir Fynwy a’r cynllun ISPB dros 3 blynedd yn ein cynorthwyo i greu cadernid yn yr hirdymor ac i ategu ein nod o sicrhau bod ein cynlluniau yn adlewyrchu anghenion y bobl leol.
Yr hyn rydym yn gweithio arno
Gweithio ar draws y Clwstwr NCN i brofi’r cysyniad o rolau newydd e.e.; Cydymaith Meddygol a Ffisiotherapydd mewn ymateb i bryderon cynaliadwyedd.
Mae gweithredu’r Rhaglen Datblygu Clwstwr Carlam (ACD) yn gysylltiedig â gwella Cylch Busnes y Clwstwr NCN a chreu cydweithrediaeth proffesiynol ar draws Gofal Sylfaenol – gan gynnwys cynnal proses werthuso eang ar gyfer yr holl gynlluniau a ariennir gan y Clwstwr NCN i sicrhau bod yr amcanion yn cael eu bodloni.
Gweithio mewn partneriaeth ar draws y Clwstwr NCN, Iechyd y Cyhoedd, Gofal Cymdeithasol a’r 3ydd sector i ddefnyddio’r rhwydwaith eang o gymorth lles anfeddygol er mwyn lleihau’r galw ar feddygon teulu.
Cynllunio’r gweithlu mewn ymateb i bryderon ynglŷn â chynaliadwyedd Gofal Sylfaenol a Phwysau’r Gaeaf ar draws y Gwasanaethau Gofal Sylfaenol a Chymunedol (Integredig) ehangach.
Creu cysylltiadau cryf rhwng y Sector Iechyd, Gofal Cymdeithasol a’r Trydydd Sector ac ymgysylltu mwy er mwyn rhoi blaenoriaeth i 2il flwyddyn y cynllun ISPB (2023-26) dros 3 blynedd.
Nodi’r blaenoriaethau lleol newydd ar gyfer Cynllun Blynyddol y Clwstwr NCN 2024-25
Buddsoddiad NCN i sefydlu’r gwasanaeth Cynghorydd Cysylltiadau Lles ymhellach i gefnogi’r galw cynyddol am gymorth gyda phenderfynyddion cymdeithasol salwch gan ddarparu cymorth anfeddygol mewn practisau meddygon teulu.
Nifer rhagorol yn cael eu brechu fel rhan o’r rhaglen atgyfnerthu rhag y ffliw a Covid-19.
Gwneud cynnydd da ar hyd y flwyddyn bontio ACD gychwynnol gyda mwy o ymgysylltu a dealltwriaeth ar draws y bartneriaeth – Rheolwr Gwella Gwasanaethau ACD penodedig ar secondiad i gefnogi ffrydiau gwaith allweddol.
Buddsoddiad NCN mewn fforwm o dan arweiniad Rheolwr y Practis gan greu cysylltiadau cadarnhaol a chydweithredol pellach gyda rheolwyr y practis o ran cynllunio parhad y busnes ayb.
Buddsoddiad NCN mewn amrywiaeth o atebion digidol i gefnogi effeithlonrwydd busnes ein practisau meddygon teulu.
Buddsoddi mewn atebion digidol i greu gwasanaeth effeithlon a hawdd cael mynediad ato i bobl yn Ne Sir Fynwy.
Parhau i arddangos ac i hyrwyddo llwyddiant ein Gwasanaeth Meddygol Cyflym (sy’n cyd-fynd â’r rhaglen Ail-greu Gwasanaethau i Bobl Hŷn) gan gynorthwyo’r broses o gadw gofal yn nes at y cartref ac osgoi derbyniadau i’r ysbyty.
Nodi’r prif flaenoriaethau sy’n ymwneud ag egwyddorion Marmot, yn arbennig o ran Gwasanaethau i Blant – sy’n cael eu cyflwyno drwy’r cynlluniau NCN a ISPB.
Archwilio’r opsiynau / ffyrdd newydd o weithio gyda chymunedau anodd eu cyrraedd, agored i niwed e.e., ffermio, mudwyr ayb er mwyn canfod yr angen a’r potensial i ymestyn y rhwydwaith lles mewn lleoliadau allweddol.
Parhau i gefnogi’r Clwstwr NCN a ariennir gan y Fforwm Diogelu o dan arweiniad Meddygon Teulu ac i rannu’r arfer gorau.
Parhau i fonitro effaith y pwysau ar y gweithlu ar draws ein clwstwr/ timau cymunedol i lunio cynlluniau parhad busnes.
Gweithio gyda thimau cymunedol i ystyried yr opsiwn i gael gwasanaeth ‘Cwympiadau’ i leihau’r potensial o gael nifer uchel o dderbyniadau i’r ysbyty.
Diweddariad 20/07/2023